{ القهوه والكرم في حوراان في قصيدة}

السلام عليكم و رحمة الله و بركاته
كثيرا ما اكتب لكم مايجول بخاطري ولكنني انقل لكم كلمات من شعراء عظام نقلوا لنا ماكان عليه الناس من كرم وكيف ترافقت القهوه من هذا الكرم لدى العرب في دول العرب شبه الجزيرة وبلاد الشام

(يقول الامير راكان بن فلاح ال حثلين)

يامحلا الفنجال مع سيحة البال

في مجلساً مافيه نفساً ثقيلـه

هذا ولدعمً وهذا ولـد خـال

وهذا رفيقـاً مالقينـا مثيلـه

(ويقول الشاعر عبد الرحمن سـلطـي الحريري )

يازين القـــهوه في ربوع حوران

طعمها ماينتسا مع مرور الأعوام

معقده والهال في اطراف الفنجان

بطـقته نـطرب ومـالطرب بـحرام

مـن أقبـل الضيف كرامـته بنحران

هـــذي عـوايدنا ورث ومـب تعلام

الضــيف وصات الــنبي بالعرجان

وحـنــا لوصات الــنبي على ألهـام

عيالنا تفاول الضيف ومابه حرجان

بمـــلفاه نـهـلــل قـبـل نبتدي بالكلام

ودلالنه ناطحات لين يمناه بالفنجان

ماهزه نزيد له صبا لهزته كالعلام

نفارق الدنيا ودلالنا مرجات النيران

عـــوايدنا دوم القهوه عقب الأودام

شيابنا ترحب الضيف وعيالنا عزبان

يقــلط الـضيف وتهـل به الأعــمام

نيراننا شابة ما تطفا الا بالمطراااان

جــدودنــا عــلموناولعيـالنا المعلام

صفر الدلالي وملقامهن الزعفران

وقـلنا أفعالنا وعـليكم في بالختااام

وســلام الله عليكم بهالة النـجدااان

وحــياكم الله وهـاذي بلاد الشااااام

(ويقول الشاعر محمد بن عبدالعزيز القحطاني وهو يوصي ابنه)

يابو محمد شب واقضب مكاني

في غيبتي قهو الرجال المشاكيل

وفل الحجاج لكل من جاك عاني

وابدا التحيه قبل سوق الفناجيل

(ويقول شاعر من قبيلة مطير واسمه شليويح وهو يوصي ابنه نمر)

امل الوجار وخلو الباب مفتوح

خوف المسير يستحي ماينادي

يانمر مافي صكة الباب مصلوح

ولاهي لهلكم يامظنـة فـؤادي

======================
(ويقول خلف بن هذال شاعر عتيبه)

سوولي الكيف وارهو لي من الدله

البن الأشقر يداوي الراس فنجالـه

كيف لنا نحرقـه بالنـار وانزلـه

واليا انقطع لو ورى صنعاء عنيناله
==========================
(ويقول الشاعر ابن خشم الذيب العجمي)

اشرب الفنجال واكب البيالـه

طيباً واحـب سلـم الطيبينـي

الولد ان طاب طيبه من خواله

وان تردا فاعرف انهم خايبيني
====================

(ويقول الشاعر دغيم الظلماوي من قبيلة شمر)

ياكليب شب النار ياكليب شبه

عليك شبه والحطب لك ايجابي

وعلي انا ياكليب هيله وحبـه

وعليك تقليط الدلال النجابـي
=================
(ويقول الامير راكان بن فلاح ال حثلين اثناء اسره)
في تركيا (يصف حالته)

يابوهلا صرنا سوات الدراويش

والكل منا خبزته فـي يمينـه

لا عاد به دله ولا عاد به عيش

ولا عاد به فطحة خروفاً سمينة
===========
(ويقول الشاعر الامير محمد بن احمد السديري)

يابجاد شب النار وادن الدلالـي

واحمس لنا يابجاد ما يقعد الراس
============
(ويقول احد الشعراء)

الدله اللي ماتبهر من الهيـل

مثل العجوز اللي خبيثاً نسمها

============
(ويقول الشاعر ناصر بن عبدالكريم من اهل سدير )

خمسة عشر فنجال لحنيف صبيت

لو ان بطنـه قربـةً قـد ملاهـا

فرد عليه الشاعر حنيف بن سعيدان المطيري وقال

لا تحسبني من دلالـك تقهويـت

قللت في طبخهـا وكثـرت ماهـا
ياموصي الحرمه على صكت البيت

تقول منتـه فيـه وانتـه وراهـا
(السلام عليكم ورحمة الله وبركاته حياكم الله في حوراااااااااااااان)
Like a Star @ heaven

وعليكم السلام ورحمة الله وبركاته
حيا الله ابن الخال العزيز
وصح لسان الشاعر
وهذه قصيدة لمحمد عبد الله القاضي أهديها لك
وهي من القصائد التي أحرص دائماً على سماعها وأدندن بها فتطرب لها أذناي
أرجو أن تنال إعجابك

يقول محمد العبدالله القاضي رحمه الله عن القهوة والاواني التي تجهز بها القهوة:

يا من لقلب ٍ كلما التمّ الاشفاق = من عام الاول به دواكيك وخفوق

كنه مع الدلاّل يجلب بالاسواق = وعامين عند معزّل الوسط منسوق

يجاهد جنود ٍ في سواهيج الاطراق = ويكشف له اسرار ٍ كتمها بصندوق

يا ديم يا مشكاي قم دن الاوراق = ما دام قفل القلب يـا ديم مفهوق

ليا عنّ لي تذكار الاحباب واشتاق = بالي وطاف بخاطري طاري الشوق

دنيت لي مـن غالي البن ما لاق = بالكف ناقيها عن العذف منسوق

إحمس ثلاث ٍ يا نديمي على ساق = ريحه على جمر الغضى يفضح السوق

واياك والنية وبـالك والاحـراق= واصحا تصير بحمسة البن مطفوق

ليا اصفرّ لونه ثم بشت بالاعراق = صفرا كما الياقوت يطرب لها الموق

وعطّت بريح ٍ فاخر ٍ فاضح ٍ فاق = ريـحه كما العنبر بالانفاس منشوق

دقه بنجر ٍ يسمعه كـل مشتـاق = راعي الهوى يطرب الى دق بخفوق

لقّـم بدلّـة مولـع ٍ كنها ساق = منصوبـة ٍ مربوبـة ٍ تقل غرنوق

خله يفوح وراعي الكيف يشتاق = إليا طفح له جوهر ٍ صح له ذوق

أصفر قموره كالزمـرد بالاشعاق= وكبارها الطافح مـا صافي الموق

زلّه على وضحا بـها خمسة رناق = هيل ٍ ومسمار ٍ بالاسباب مسحوق

مع زعفران ٍ والشمطري إلى انساق= والعنبر الغالي على الطاق مطبوق

فيلا اجتمع هـذا وهـذا بتيفاق= صبّه كفيت العوق عن كل مخلوق

بفنجال صين ٍ زاهي ٍ عند الارماق = يغضي بكرسيّه كما اغضاي غرنوق

إليا انطلق من ثعبته تـقل شبـراق = رنـق ٍ تصوّر للحمامة على الطوق

شكّل على الفنجـال لونه إلى راق = دم الغـزال إلـى انمزع منه معلوق

خمـر ٍ إلى منه تسلسل بالاريـاق = وعليه من ما صافـي الورد مذلوق

راعيه كنه شارب ٍ ريـق تريـاق = كاس الطرب وسرور من ذاق له ذوق

يحتاج من خمر السكارى إلى فـاق = طفـل ٍ تـمزّ شفاه والعنق مفهوق

عبث ٍ يعيل بحبّة ٍ ما بعـد مـاق = وهـو يزاهـي باهـر البدر بشعوق

بـين اشفتيه اليا غنج حـق برّاق= من مدلهم ٍ تالـي الليل مسيـوق

يا ريقها تمر الحسا قبل مـا يذاق= ووزات عنـز ٍ ناحرت راس شاهوق

والله لـو تمشي شقاق ٍ بالاسواق= لو شافها ما يـمسط الخمس مـخلوق

سطر ٍ كتب من حبر عينه بالاوراق= خـدّيه صاديـن ٍ ونونين من فوق

كن العرق بـخدودها جمر الارناق= يـنثر على الوجنات باللون معشوق

اليا تبسم شّعٍ وأشـرق بالآفـاق = نوره يفـوق البدر سحر ٍ ومنطوق

بالعنق كن المسك والخـد بـرّاق= شخص ٍ بصدره مثل ما الشاخ مدقوق

يمشي بهون ٍ خايف ٍ مدمج الساق = صرّم حجـول ٍ ضامها الثقل من فوق

إلى حصل لك صاحبك وانت مشتاق = إقطف زهـر ما لاق والعمر ملحوق

واليا حضر مـا قلت عندي فالارزاق= فـي يـد كريم ٍ كافل ٍ كل مخلوق

وصلاة ربي عـد مـا بارق ٍ حـاق = علـى النبـي الهاشمـي خير مخلوق

{ القهوه والكرم في حوراان في قصيدة}

{ القهوه والكرم في حوراان في قصيدة}

رد: { القهوه والكرم في حوراان في قصيدة}