مناجاة الشاعر ذيب اللجاه للنجر

مناجاة الشاعر أبوطراد للنجر
اللتي نشرت في جريدة السياسة الكويتية

في احدى المرات وجد الشاعر »نجر قهوة«( جرن القهوة ) معروض بين عدد من الدلال والقطع القديمة في سوق حراج الجمعة في دولة الكويت, عند احد البائعين الهنود, ولفت انتباه الشاعر العبارة المكتوبة على النجر وهي »قفار - حايل« بالاضافة الى التاريخ, وقام الشاعر واشترى النجر, واكرمه بهذه الصورة بعد ان وضع فيه الهيل, وبدأت المحاورة, بين الشاعر والنجر بهذه القصيدة, وعندما سافر الشاعر الى بلده في سورية, اكرم ضيفه النجر كما وعده, واقام حفلة عشاء على شرفه, وبعد ان قلط الشاعر الضيوف الموجودين على عشاهم سألوه عن ضيفه بهذه العبارة »وين ضيع? قال لهم هذا هو, وأشار إلى النجر الموجود ما بين دلال القهوة في ديوان الشاعر في قريته بصر الحرير, البعض من الحضور استغرب الامر وسكت, والبعض الاخر قال »يستاهل الضيف, وهذا عشير اجاويد« بل ان احدهم قال بعد خروجه من الديوان.
(الظاهر ان الشاعر ابو طراد (?????) هذا ما نقله احد ضيوف العشاء للشاعر في اليوم الثاني.

يا ذيب يلي يسمعوك المسايير
يلي قنيبك بين الاجواد طايل
وش العلم ليا رفيق المناعير
ومن هو غدابك من قفارن وحايل
الشاهد الله قد رمتك التقادير
بيدين هندي ما يعرف المسايل
شالت بك الايام باالبعد والسير
واليوم اشوفك يا عشيري تخايل
اسمك عليك وداخلن في الاساطير
ومن ديرتن قد اتعبتها الاصايل
من اول ربوعك يقهرون الطوابير
اليا اعتلوا من فوق جرد السلايل
كبار الصحون ويشبهون المغاوير
وساع الطعون مرويين الغلايل
افلح حماك الله ويا التباشير
علي العشا بحوران مع كل حايل
وارحب هلا بك ما عليها معاذير
وعندي لها من الطيب كل الدلايل
نشريك يا العالي بكل الدنانير
حيثك حبيب من العصور الاوايل
صاح النجر حييت يا موافق الخير
انا عشير اهل الكرم والجمايل
شمر هلي ولابه قصورن من الغير
وربعي الطنايا كاسيين المثايل
وغديت بالسبعين ورد ومصادير
وبرباع سلمى ذقت كل الهوايل
جدي خذا من نايف العلم تقدير
واصبح مثل للجود ماله بدايل
هذا العلم واحذر تزيد التفاكير
وان ما كفاك الهرج انشد وسايل
انا مع الاجواد فوق المظاهير
وما خب صوتي بالسنين المحايل
ولي لابتن منها بعد سالم الزير
مع عمر ابن كلثوم راعي الفعايل
تحدرو من عاليات المواكير
نعمين بالحكام من ساس وايل
شيوخن تصوت للعشا بالمداوير
كرام اللحى ما بين كل القبايل
يا صاحبي اكتب وخط المناشير
واذكر اقوالي كلها بالرسايل
روح معي يم الوجيه المسافير
ودور معي من ينطحون الدبايل
انا عشير امطير حمر النواظير
سباع الفلا لا صار ظرب القنابيل
ملكادهم يشبع به الذيب والطير
لا هلهلت بالكون شقر الجدايل
ومع الظفير اهل السيوف البواتير
ربع (البويت) معذيين الدخايل
ولا قلت عجمي (ونعم) ذوله الربع غير
من دور ابن حثلين وافي الخصايل
انا عتيبي من هل البن لا دير
لطامتن للظد مع كل عايل
ومع الدواسر والحروب المشاهير
وانا قحطاني من كبار الحمايل
انا سهلي ولسبيع اهل المغاتير
نعم بهل الردات لا قيل قايل
زعوب ربعي بالليالي المعاسير
ومع آل مره مقطعين الشلايل
انا تميمي وبعد ربعي المناصير
ومع الهواجر وافيين الفعايل
هلي من الاشراف يا موافق الخير
انا حريري من اكرام الشمايل
وبربعي الخوالد ما تهاب المخاسير
اهل الجماله والوفا والفضايل
وان كان تبغى الزودو فوق التصاوير
رغم الحضاره اليوم ماني بزايل
خذيت سجه واتعبتني المشاوير
واليوم ضيفك يا عريب السلايل
هذا جوابي والقصد بالتعابير
كل القبايل في الكرامه عدايل
واللازمه ما عنها اليوم تاخير
وكلن على مده يحوش النفايل
الطيب سيل وما يجي فيه تقصيير
والمدح يزهي وللمدايح وسايل
صلوا على اللي خصه الله بتقدير
شفيعنا لا صار عدلن ومايل
شاعر / سهل حوران /ذيب اللجاه / أبوطراد موسى المهاوش الحريري |

صح لسان الشاعر والمرسل والناقل والقصد والمقصود
ويسعد مساكم

مشكور يابن مقبل على ذوقك واخلاقك